Naweek Nadink 10: Slegte Diens Slegte Nuus

Verlede week was ek vir oulaas besig met omgekeerde diefstal, maar die keer in Oostenryk. As jy gewonder het wat op aarde ek van praat, gaan lees gerus my webjoernaal inskrywing: “In Engels Noem Hulle Dit Reversed Shoplifting”

Oppad terug was my 21h30 vlug met 2 uur en 50 minute vertraag deur die berugte Ierse lae koste lugredery, Ryanair. Dis nie romanties om 02h00 by die huis aan te kom nie, veral nie na al die opwinding van omgekeerde diefstal nie!

Ryanair se diens en houding het oor die jare so sleg geword (met gevolglike finansiële verliese) dat hulle spesiaal in 2015 miljoene Britse Ponde spandeer het om kliënte soos ek te oortuig dat hulle wel omgee en hul sal gedra as ek weer met hulle vlieg. Wie was weereens die sucker?!

Kou bietjie hieraan:

  1. In die ou dae het een ongelukkige kliënt vir gemiddeld tien mense van slegte diens vertel.
  2. Te danke aan sosiale media vertel een ongelukkige kliënt vir gemiddeld een honderd mense van hulle slegte ondervinding.
  3. Ons leef in ‘n era waar ons koopbesluit grootliks deur resensies (peer to peer) beïnvloed word – Die fliek industrie was een van die eerste industrië wat “peer to peer” resensies baie effektief gebruik het.
  4. Navorsing wys dat ongeveer 58% van 16-24 jariges nooit weer ʼn produk of diens sal gebruik na ʼn slegte ondervinding nie (hierdie moet swak diensverskaffers baie senuagtig maak).

Wat probeer ek sê?

Swak diens kos geld. Maak seker dat jy die “leeftyd finansiele waarde” van jou kliënte kan bepaal om sodoende die ware gevolge van swak diens te kan meet. Dit sal jou en jou kollegas ook die erns van goeie kliënte diens help verstaan omdat dit meetbaar is en nie ‘n subjektiewe konsep nie.

Lekker week en onthou…Aanhouer Wen!

Wil jy jouself of jou besigheid verbeter?

Dalk droom jy van jou eie besigheid?

Begin dan hier met my besigheidshulpbron eBoek 52 propvol praktiese en eksklusiewe besigheids-en lewenswenke!
Laai af
close-link